1941az geroztik minimo historikoetaraino egin du behera jaiotza-tasak EAEn. Eustat erakundeak eman ditu datuak azpimarratuz 2018an 16.090 jaiotza izan ziren, 2019an 15.418, eta 2020an 14.721. Beste datu adierazgarri bat da 2008-2020 urte tartean %30 egin duela behera jaiotze-tasak.

Datu horien arabera inoiz baino haur gutxiago jaio dira EAEn 1921ean erregistroa egiten hasi zirenetik.

Gurasotasun berantiarra

Amen %79,2 30 urtetik gora da, eta %49 ama izan da lehen aldiz 35 urtetik gorakoa izanda. Emakume atzerritarren kasuan datu hori jaitsi egiten da; %22a. Gizonetan datu horrek gora egiten du; izan ere, %68 35 urtetik gorakoa da aita lehen aldiz izaterakoan. .

Emakumeek, batez beste, 1,28 haur seme-alaba dituzte eta joera beheranzkoa da. Hori da, gaur egun, ugalkortasun tasa EAEn.

Pandemiaren eragina

2020ko laugarren hiruhilekoan, EAEn 3.425 jaiotza egon ziren, aurreko urteko aldi berean baino % 10,9 gutxiago. Urrian eta azaroan beherakada %5,6 eta %12,4 izan zen, hurrenez hurren. Jaitsiera are handiagoa izan zen abenduan; %15,2.

Hala, 2020an 14.721 jaiotza izan ziren EAEn, aurreko urtean baino 697 gutxiago. Urte osoa kontuan hartzen bada, eta 2019ko datuekin alderatuta, behin-behineko jaiotza-kopurua jaitsiera %4,5ekoa izan zen. Beherakada hori hiru lurraldeetan gertatu zen: Araban, %6,5 (168 jaiotza gutxiago); Bizkaian,%5,4 (416 jaiotza gutxiago) eta Gipuzkoan, % 2,2 (113 jaiotza gutxiago).

Eustat datuak hemen.