Nork bere etxean egindako eguzki-erlojua

Eskulan erraz eta dibertigarri batekin gatoz gaurkoan. Asmoa da nork bere etxean eguzki-erloju bat egitea.

Materiala

• Kartoizko platera.
• Pintura.
• Pintzela.
• Kola.
• Guraizeak.
• Arkatz bat.
• Ordulariaren marrazkia. Hemen duzu deskargatzeko.

Nola egin

1. MARGOTU. Bistan geldituko diren plateraren izkinak margotu eta utzi lehortzen.
2. ORDULARIA PRESTATU. Pintura lehortzen den bitartean moztu ordularia forma borobila eduki dezan.
3. ITSATSI ORDULARIA. Margotutako platerari itsatsi behar diogu prest dugun ordularia. Ez ahaztu erdian zuloa egin behar zaiola.
4. JARRI ZUTABEA. Itzala egingo duen zutabea sortzeko arkatza jarriko dugu tente, ordulariaren erdian egindako zulotxoan.

Prest dugu eguzki-erlojua. Orain kaleko leku eguzkitsu batera joan eta egin esperimentuak. Ordulariaren kokapen egokia aurkitu beharko duzu ze ordu den ondo marka dezan.