Gaurkoan betidanik haurrek erabili izan duten  material bat balioan jarri  nahi dugu. Klariona, klera, tiza… nola deitzen diozue?

Klarionak haurrei kaleen “jabetzea” ahalbidetzen dien elementua dira.  Haurrek zementuari kolorea ematen diote, berauena bilakatzen dute  lur edo horma zati hori, sortu egiten dute, bakarrik edo taldean, mundu txikiak, edo forma geometrikoak, edo auskalo zer…


Erdiguneko kale pare bat itxi  eta denok marraztu genezake klarionekin asfaltoaren gainean. Une batez, autoentzat gordetako espazio hori gure bilakatu, eta gure irudimena askatu eta lurzoru grisari kolorea eman… zer iruditzen zaizue?

Gaurkoan klarionarekin jolasteko edo sortzeko bi ideia aurkeztu nahi dizkizuegu.

Mosaikoak egin edo forma geometrikoekin jolastu

Proposamen honek emaitza ederrak eskaintzen ditu. Paperezko zeloa  lurrean edo paretan jartzea bezain erraza da, marrazkiren  eginez edo besterik gabe, “collage” geometrikoren bat eginez.

Ondoren, libre geratu den laukitxo bakoitza klarionekin margotzen da, eta zinta kentzean, oso emaitza polita geratzen da. Sormen kolektiborako ere aproposa da, denon artean egindako artelan ederrak sortu ditzakegu.

Klariona bustiekin margotzea

-Ez busti klariona! materiala zaindu egin behar da eta!!

Esan duzu inoiz halakorik? Gaurkoan kontrakoa egitera bultzatu nahi zaituztegu. Ontzi bat urez bete eta utzi haurrei bertan materiala urperatzen.

Oso dibertigarria da, klarionak porotsuak eta airez beteak daude, eta, beraz, uretan sartzean burbuilak  igortzen dituzte, klariona erabat busti arte.

Margotzeko modua aldatzen da eta emaitzak ere ezberdinak dira, proba ezazue!