Hezkuntza munduan gauza asko aldatu dira azkenengo urte eta erdian, pandemiaren eraginez. Irakasleen aldetik, esaterako, konpromisoa dagoela ikusi ahal izan da, eta ikasleen aldetik, berriz, esfortzu handia egin behar izan dutela ikusi da.

Horixe azaldu du besteak beste, Amaia Arroyok, Goiena telebistako Hemen Debagoiena saiorako egindako elkarrizketan. Arroyo, Komunikazioan eta Hezkuntzan doktorea da eta Hezkuntza Bereziko irakaslea. Egun, Mondragon Unibertsitateko HUHEZI Fakultateko irakaslea eta ikerlaria da, baita KoLaborategiko kidea ere, Gizarte Digitalareko Hezkuntza eta Komunikazio laborategia. Horrez gain, UEUk eta EHUk eskaintzen duten HEZikt graduondoko Batzorde Akademikoaren kidea eta irakaslea ere bada.

Uda Ikastaroen barruan, Eskolaren erronka digitalak: COVID19tik ikasitakoari forma ematen izeneko ikastaroa eskainiko dute uztailaren 15ean eta 16an, eta bera da horren zuzendaria.

Ikastaroari buruz, hezkuntzaz eta digitalizazioaz jardun da elkarrizketan.