Haur Minbizidunen Nazioarteko Eguna izan da otsailaren 15a. Gertutik ezagutu dute haur minbizia Arrasateko Urizar Giraldotarrek. Hamaika urte betetzear zela jaso zuen Urtzik diagnostikoa. “Amildegi baten sentsazioa” eta “sokarik gabeko horma bertikala” aipatzen ditu Jasone Giraldok –ama– prozesu hasierari buruz galdetuta. Urtzik, orain, 21 urte ditu.

Baikortasun mezua zabaldu gura nahi izan dute ama-semeek Haur Minbizidunen Nazioarteko Egunean. Bizi izandako esperientziatik baikortasunari eusteko eta dagoen itxaropenari heltzeko gomendatu diete antzerako egoera batean dauden gaixoei eta familiei.

Aspanogi elkartearen lana goraipatu dute, eta baliabideak eskatu dituzte minbiziak tabu izateari uzteko eta, batez ere, ikerketarako.