Nahi al duzu zeuk egindako itsulapiko dotore bat? Jarraitu Nerea Villak Puntua aldizkarian proposatutako pausuak eta ea nolakoa ateratzen zaizun!

Materiala

  • Arrautzen kartoizko bi ontzi.
  • Pintzelak.
  • Guraizeak.
  • Margo akrilikoak.
  • Zinta karrozaria edo paperezko zeloa.

Nola egin

  1. Arrautzen kartoizko ontziaren zati bat moztu, justu arrautza bat sartzen den tokia.
  2. Hori itsatsi zintarekin arrautza ontzi txikian. Tapa itxita dagoela egin eta dortokaren buruari forma emango dio horrek.
  3. Pintzela hartu eta dortoka margotu. Beheko zatia marroi kolorez eta goikoa, hasteko, berde ilunez. Gero, dortokaren oskola apaindu berde argiagoarekin, horiarekin eta beltzarekin, eta margotu begiak eta ahoa ere.
  4. Guraizeekin edo kuterrarekin goiko zirrikitua moztu, gero txanponak sartzeko erabiliko dena.
  5. Dortoka prest izango da! Sartu txanponak zirrikitutik eta erabili itsulapiko moduan.