BIZIPOZAREN 12 elkarteen eguneroko errealitateak, aldarrikapenak eta trasmititzen dituzten baloreak, musika, irudia eta hitzen bidez bildu dituzte  bigarren urtez MUNDU BERRI BAT GUZTIONTZAT 2 proiektuan. Bilduma aurkeztu zuten eta salgai dago jada. Pasa den urteko Azaroan leire Elizegitekin proiketua kokatzeko elkarrizketa egin bagenuen, orain sortutako abesti eta bideoklipak ezagutzeko aukera ere badugu.

Bilduma erosteko aukera dago:

– BERRIA online dendan

NOTICIAS DE GIPUZKOA promozioak atalean

– NAIZ online dendan:

– ELKAR dendetan eta online:

Gainera CD bildumako abesti eta elkarteak aurkezten dabiltza eta astean behin kantu bat gozatzeko aukera dugu sarean ere.

SD FUNDAZIOA

1990etik Euskadin lan egiten duen diru-irabazi asmorik gabeko fundazio bat da. Adimen-urritasuna duten pertsonen bizi-kalitatea hobetzea da fundazioaren xedea. Horretarako, programa berritzaileak (banakakoak eta taldekoak) garatzen dira, eta programa horiei esker, alde batetik, gizarteratzea eta gizartean parte hartzea errazten duten trebetasunak eskuratzen dituzte pertsona erabiltzaileek, bestetik, familiei helburu hori lortzeko tresnak ematen zaizkie.

Hiru ataletan egiten da apustua: Bizi-Kalitatean, Kudeaketako eta Etikako Kalitatean. Programak eta zerbitzuak pertsonengan zentratutako plangintza metodologian oinarritzen dira eta Giza Eskubideetako Adierazpen Unibertsala erabiltzen da marko bezala.
Fundazioak bi egoitza ditu, egoitza zentrala Bilbon eta beste bat Zornotzan.

Bideoan Motxila 21 eko lagunek eta Andoni Egañak Parte hartu zuten

BEROA

Beroa, Gipuzkoako Harrera Familien Elkartea da.

Baina… ZER DA FAMILIA HARRERA?
Arrazoi ezberdinengatik beren familia biologikoekin bizi ezin duten adingabeentzat babes baliabide bat da.
Harrera ez da adopzioa bat, ezta hori lortzera bideratu dezakeen pauso bat ere.
Mota ezberdinetako harrerak daude: urgentzietakoa, aldi baterakoa, iraunkorra, espezializatua, etab…
Adingabearen eta guraso biologikoen harremana bisita-erregimenaren bidez burutzen da.

ZER ESKAINTZEN DUGU?
⦁Harrerako une desberdinen inguruko informazioa, orientazioa eta aholkularitza, harrera familia gisa dugun esperientziatik.
⦁Informazio eta prestakuntza hitzaldiak, Elkarbizitza Jardunaldien eta Gipuzkoako Harrera Familien Topaketen antolakuntzaren bitartez.
⦁Formakuntza saioak, intentsitate ezberdinak, harrera familiari egokituz.
⦁Aisialdiko jarduerak eta udarako udalekuak: familia harrerako haurrei eta gazteei zuzenduriko aisialdiko eta asteburuetako jarduerak, era berean, harrera familiei ere sosegu gisa balio izateko.
⦁Famili planak: egun-pasak eta asteburuak.
⦁Etxegorria Elkarbizitza Gunearen kudeaketa; haurren eta beren familia biologikoen arteko bisitaldi ikuskatuak egiten diren gunea.

ZER LORTU NAHI DUGU?
⦁Harrera familiei nahiz harreran hartuko diren adingabeei prozesu horretan laguntzea.
⦁Familia harrera erraztea, zerbitzuak eta prozesuarekin interesa duten jarduerak eta ekintzak eskainiz.
⦁Antolatu eta parte hartu hedapen eta sentsibilizazio kanpaina ezberdinak burutuaz, beste familiek harrera familia planteatu dezaten animoarekin.
⦁ Harrera familia baliabide bezala gizarteratu.

ZER ESKAINI DEZAKEGU HARRERA FAMILIEK?
Harrera familiek adingabeei familia eredu estrukturatua eta normalizatua eskaintzen diegu, erreferentzia irudi seguruak dituena.
Egonkortasun fisiko eta emozionala, Babesa eta maitasuna eskaintzen diegu.
Adingabeen eskuetara gure familia ipintzen dugu, aukera bat ematen diegu hazi, hezi eta bizi daiteze

Bortzirietako Guztiok Taldea, irabazirik gabeko elkartea da. Behar bereziak edota momento jakin batean behar berezi bat duten Bortzirietako umeen beharrak asetzeko asmoz sortutako elkartea. Gure helburua, zonaldean ez dauden terapia eta osasun arloko gaiak asetzea da. Beti ere, hirietara maiz ez joan behar izateko.

ADEMGI

Ademgi, irabazi asmorik gabeko elkarte bat da, Onura Publikoko eta Gizarte-Intereseko deklarazioak dituena. Gure elkartea, Esklerosi Anizkoitza jasaten duten pertsonen eta hauen senideen bizi-kalitatea hobetzea du helburu nagusia. Horretarako hainbat ekintza antolatzen dira: gaixoaren atentzio integral bat gure birgaitze zentroan, ikerketak sustatu, gaixotasuna gizarteratzea, sentsibilizazio kanpainak…

Laster ikusgai izango diren bideo eta abestiak: