Minimunduak egituratu gabeko jolas sinboliko askeko adierazpen bat dira, non haurrek beren eguneroko bizitzako uneak edo irudimenezko eszenatokiak irudikatzen dituzten eskala txikian. Era guztietako materialak, pieza solteak eta eguneroko objektua erabiliz sortzen dira mundu txiki hauek.

5 urte bete aurretik, beraiek bizi izan dituzten egoeren irudikapenak sortzen dituzte mundu txikietan. Bizipenak dira beraz, Mundu hauek sortzeko osagai nagusiak eta hauek atseginak edo traumatikoak ere izan daitezke. Horixe da Mundu txikien gauzarik politena, haurren bizipenak arlo sinbolikora eramatea ahalbidetzen diela.

Esan beharra dago telebistan edo film batean irudiak ikusten badituzte eta behar beste eragiten badie, litekeena dela beraien sormenetara ere eraman nahi izatea.

Eta zeintzuk osatzen dituzte mundu hauek sortzeko beharrezko diren pieza solteen multzoa? Zer baldintza bete behar ditu egunerokotasuneko material “arrunt” batek, pieza solteen teorian lekua izateko?

Haur eskola baten edo etxean mugitu, eraman, berdiseinatu, lerrokatu, desmuntatu, muntatu edota bestelako eraldaketa bat jasan dezaketen pieza solteak dira, pieza solteen teorian lekua dutenak.

Material hauek bakarrik edota beste batzuekin elkartuta edota konbinatuta erabili daitezke inolako araurik gabe.

Pieza solteak naturalak edo sintetikoak izan daitezke. Jolaserako kanpo espazio batean horrelako pieza solteak ipini ditzakegu haurren eskura:

HarriakEgurrakAreaGraba edo harri txikiak
OihalakEgur hondakinak edo txikituakPaletakBolak
KuboakOtarrakKaxakEnborrak
SokakGurpil pneumatikoakTxirlakHaziak
TapoiakBotoiak….
Pieza solteen teoria
Minimunduak eraikitzen
Eskulan proposamena: Kortxoarekin mundu txikiak sortuz.