Amaia Arroyo Sagastarekin hitz egin dugu. Komunikazioan eta Hezkuntzan doktorea eta Hezkuntza Bereziko irakaslea da. Egun, Mondragon Unibertsitateko Humanitate eta Hezkuntza Zientzien fakultateko irakaslea da, baita KoLaborategia laborategiko koordinatzailea ere.

Guraso eta irakasleak bat gatoz: pandemiak pantailen erabilera areagotu egin du, eta erabilera arduratsuaren aldeko hautua egitea nahitaezkoa da.

Lehenik eta behin, erabileraren gainean hausnartu behar dela dio Arroyok, eta erabilera ona bultzatzeko bidelaguntza eskaini: “Gure lasaitasunerako, pantaila aurrean bakarrik uzten ditugu, maiz, haurrak; baina, modu gradual batean, pantailen munduan sartzeko laguntza behar dute. Hala, ikuspegi kritikoa landu behar dugu, pixkanaka, eurekin”.