Leintz Eskola Kirola, Besaide Mendi Elkartea, Gaztetxeko Guraso eta Haur Asanblada, Udalako Ingurumen Eskola, Naturtzaindia eta Txatxilipurdi elkarteak elkarlanean, Naturan Jolasean jaialdiaren 8. edizioa antolatzen dabiltza.

Eguraldiari begira, plan posible ezberdinak dituzte mahai gainean aste honetarako, baina azken urteetan egin bezala aurten ere naturan jolastearen aldarria egingo dute. Natura ordezkorik ez duen osasun, ongizate, ikasketa eta sormen iturri agorrezina dela iritzita, beharrezko ikusten dute natur guneekiko atxikimendua areagotzeko dinamikak sortzea.

Ekimena antolatzeko bilera amaitu bezain laster gerturatu gara beraiengana eta 2023ko edizioaren berri eskatu diegu.

Naturan Jolasean ekimena antolatzen dabiltzan eragileetako kideak Txatxilipurdi elkartearen bulegoan.

              

EGITARAUA 2023

MAIATZAK 18 (osteguna):

18:00etan ADI NATURA LIBURU BILDUMAREN AURKEZPENA – Sua argitaletxearen eskutik. Ondoren ipuin kontaketa eta liburuko edukia praktikara ekartzeko tartea egongo da.

Monterronen (euriarekin, Kulturateko Loramendi gelan).

                MAIATZAK 20 (larunbata):

10:00etan/12:00etan ESPEOLOLOGIA TXANGOA – Montxongo kobaren barna, LH 3/4ko haurrei zuzendua eta bi txandatan banatua.

* Izen ematea ikastetxeetako LEK-eko koordinatzaileen bidez egin beharko da.

18:30ean ZIORLAKO BEGIRATOKIRA IGOERA – Biteri plazatik abiatuta.

19:30ean VIVAK AUZOLANA – Ziorlako begiratokian.

20:30ean AFARIA – Zeuk ekarri eta bertan jan.

21:30ean SAGUZARREN BILA – Naturtzaindiaren eskutik.

22:30ean IZAR BEHAKETA + VIVAK GAUA – Ziorlako begiratokian.

MAIATZAK 21 (igandea):

08:30ean HERRI GOSARIA

09:30ean JAITSIERA

10:30ean TALDE ARGAZKIA – Ziorlako astoan.

* Goian aipaturiko hainbat ekintzetan (Ziorlara igoera, Saguzarren bila, Izar behaketa, Vivak gaua eta herri gosaria) izena ematea beharrezkoa izango da.

Eman izena hemen

* Euria egingo balu, egitaraua Garagartzara bideratuko genuke, gaua Patxixena auzoetxean igaroz.

Animatu gurekin batera, NATURAN JOLASTERA!