15 urteko Mariek 2021eko irailean egin zuen bere buruaz beste. Neskatilak eskola-jazarpena jasaten zuen eta jasaten ari zen jazarpenagatik bere ezinegona adierazteko bideo bat argitaratu zuen sare sozialetan. Duela gutxi haren gurasoek salaketa jarri dute Frantziako justiziaren aurrean TikTok sare sozial txinatarraren aurka. Bere alaba bere buruaz beste egitera bultzatzea leporatzen diote sare sozialari, bideo hartatik aurrera, suizidioari buruzko bideoen gomendioak egiten baitzizkion sare sozialak “algoritmo oso indartsuagatik”.

Gurasoen abokatu Laure Boutron-Marmionek adierazi du, argitalpen hartatik suizidioari buruzko bideo ugari gomendatu zizkiola TikTokek, sare sozial txinatarrak erabiltzen duen “algoritmo oso indartsuagatik”.

Mariek bideoa TikToken argitaratuko izan ez balu, bere buruaz beste egingo luke? Abokatuaren arabera, adingabeen gurasoek uste dute TikTokek rola duela adingabearen heriotzan; horretara bultzatu zuelako haien ustetan.

“Bistan da TikTok, neurri batean, ekitaldiaren erantzulea dela. Plataformek, sare sozialek, nerabe baten aurrean jokatzen dute, egoera psikologiko oso ahulean baitago, jasaten duen jazarpenaren ondorioz “, adierazi zuen Laure Boutron-Marionek.

“Ukaezina da Marie gaizki zegoela eta oso espreski adierazi zuela”, eta “algoritmoaren bidez, nerabeak gai berari buruzko bideo sorta bat jaso zuen, eta horrek are okerrago sentitzea baino ezin du ekarri”, gaineratu zuen.

Hori dela eta,Frantziako zenbait hedabidek honetan jakitera eman dutenez, joan den irailaren 8an, gurasoek salaketa aurkeztu zuten TikToken aurka “suizidioa bultzatzeagatik”, “arriskuan dagoen pertsona bati laguntza ez emateagatik” eta “bere buruaz beste egiteko propaganda edo hedabideen publizitatea” egiteagatik.

Bestalde, auzitegia duela urtebetetik ari da aztertzen gazteak jasaten zuen eskola-jazarpena.

Europan badaude halako kasuen aurrekariak. Erresuma Batuan, justiziak 2022ko irailean onartu zuen Instagram eta Pinterest sare sozialek 2017an Molly Russel 14 urteko neskaren suizidioan izan zuten erantzukizuna.

Gazteek oso erabiliak dituzten sare sozialetan moderaziorik ez egoteak benetako arazoak sortzen ditu egungo gizartean. 2022ko TikToki buruzko ikerketa estatubatuar baten arabera, sare sozialaren algoritmoak eduki kaltegarriak gomendatzen dizkie erabiltzaile gazteei, hala nola autolesioei eta elikadura-nahasmenduei buruzko bideoak.

Iturria: RFI.