Azaroaren 18tik 26ra ekintza ezberdinak egingo dira urdaibaiko, Meatzaldeko, Txingudiko eta Azpeitiko Ekoetxeetan. Ekoetxea sareak plan dibertigarria proposatu die familiei asteburu honetan nahiz hurrengoan egiteko.

Hondakin eta ontziekin erlazionatutako erronka txikiei aurre eginez familia guztiak aldi berean parte hartu ahal izango du ekintza hauetan. Gainera, aldi berean, jolasen bidez, ohitura berriak ikasteko aukera emango die failiei.

Familiarekin modu dibertigarri eta hezitzailean partekatzeko esperientzia da. Ekonomia lineal batetik ekonomia zirkular batera igarotzearen garrantzia ulertuko dute parte-hartzaileek. Izan ere, hondakinen kudeaketak pertsonei, hiriei eta haien ingurune naturalari eragiten die.

Ekonomia zirkularraren 7+1 erreetako bakoitza familiaren erronka izango da: objektuei bigarren bizitza nola eman, hondakinak nola murriztu eta modu jasangarriagoan nola pentsatu…

Egun ezberdinetan Ekoetxe bakoitzean

Hilaren 18an egingo dute Urdaibaiko Ekoetxean: 10:00etatik 13:45era eta 16:00etatik 17:45era. Meatzaldean, hilaren 19an izango da: 11:00-13:45 eta 16:00-17:45.

Halaber, azaroaren 25ean egingo dute Txingudik: 10:00etatik 12:45era eta 16:00etatik 17:45era. Azkena, Azpeitian egingo dute azaroaren 26an, goizez 10:00etatik 12:45era.

Parte hartzeko beharrezkoa da izena ematea eta hori Ekoetxearen webgunean egin behar da.