Aste honetatik aurrera Euskal Autonomia Erkidegoko gurasoek eta legezko tutoreek beren kargura dituzten 16 urtetik beherakoen osasun txartel digitalak deskargatu ahal izango dituzte, Osasun Karpetarako sarbidea baldin badute.

Osasun Sailak Irekian argitaratu duenaren arabera, beren kargura dauden adingabeen Osasun Karpetan sartzeko baimena duten guraso eta legezko tutoreek, NIK Patrika digitalaren APParen bertsio eguneratua instalatuta badute, mezu jaso bat jasoko dute aplikazioan. Bertan, gonbidapena egingo zaie beren seme-alaben eta/edo tutoretzapekoen OTI digitala deskargatzeko. Aplikazioaren bertsio zaharra dutenek, aldiz, SMSa jasoko dute horren berri izateko.

Iragarri duenez, hurrengo fase batean, seme-alaben eta/edo tutoretzapekoen osasun karpetara sartzeko baimenik ez dutenei ere emango zaiela aukera OTI deskargatzeko.