Asteburura begira, Nerea Villak Puntua aldizkarian egindako eskulana partekatu nahi izan dugu zuekin. Lore-otarrea da eta etxeko edozein txokori ukitu polita eman diezaioke. Has gaitezen!

Materiala

  • Komuneko paperaren tutuak.
  • Soka edo irobala.
  • Errotuladorea.
  • Lore lehirrak edo plastikozkoak.
  • Pintzela.
  • Zeloa.
  • Kola zuria edo Loctite.
  • Lazoa.
  • Guraizeak.

Nola egin

  1. Kartoizko tutua zapaldu eta errotuladorearekin marrak egin, eta marra bertikaletatik moztu.
  2. Soka pasatzen joan, gora heldu eta tutaren zati handiena tapatu arte.
  3. Utzi tutuaren bi zatitxo gorantz begira –muturtutakoak– eta beste guztiak tutuaren barrarantz tolestu eta Loctiterekin barrurantz itsatsi.
  4. Otarrearen euskarria egiteko, ebaki beste tutu baten zati bat eta kola zuriarekin edo Loctiterekin itsatsi gorantz begira utzi ditugun bi zatitxoetan. Zati hori hariarekin forratu.
  5. Tutuaren beste zatiarekin edo kartoi zati batean marraztu borobil bat eta moztu; ondoren, otarrearen beheko zatian itsatsi kola zuriarekin.
  6. Beheko zatia irobalarekin forratu, bertan itsatsitako zatia ez ikusteko. Kola zuria eta pintzela erabili.
  7. Otarre barruan sartu lore lehorrak edo plastikozkoak. Prest duzu lore-otarrea!