Herritarren artean natur ondarea balioan jartzeko jarduerak antolatzen dituzte Naturtzaindia Elkartean. Askotariko proiektuak dituzte esku artean: hala nola, behaketak eta ikerketak egitea, dibulgazio liburuxkak eta panelak sortzea, ibilbide gidatuak, hitzaldiak eta erakusketak antolatzea…

Elgetako eskolan saguzarren inguruko dinamika egin dute ikasturte honetan. Lehengo azalpenak emateko bi saio egin zituen Naturtzaindiako kide Ion Fontenlak eskolan. Aste bereko ostiralean eta soinu-detektagailuekin hornituta irteera egin zuten herrian. Saguzarren pista jarraitzeko irteera gidatua izan zen.

Euskal Herrian 27 saguzar espezie daude eta Pipistrelo arrunta da ohikoena. Elgetako irteeran bost saguzar espezie antzeman zituzten detektagailuei esker; ferrasaguzar handia, pipistrelo txikia, pipistrelo mediterranearra, kuhl pipistreloa eta leiser gau-saguzarra.

Herrigunetik nahiko gertu antzeman zituzten, gainera. Ikusi ere egin zuten bat bateren bat.