Zerura begira izenburupean antolatu dituzte eta lau saio izango dira, Durangon. “Astronomiaren mundua erakargarria da. Denok noizbait zerura begiratu dugu eta galderak sortu zaizkigu. Unibertsoaren misterioak esploratuko ditugu, gure eguzki sistemako planetetatik urruneko galaxietaraino. Izarrei, zulo beltzei, exoplanetei eta kosmosaren jatorriari eta bilakaerari buruz ikasiko dugu”, azaldu dute.

Lau saioak

Lau saio izango dira, guztiak larunbatarekin eta bi ordukoak 11:00etan hasita. Durangon izango dira. 8-12 urte arteko umeei egokitutako azalpenak emango dituzte bertan. Gaiak hauek izango dira:

  1. Urtarrilak 31: Eguzki-Lurra-Ilargi sistema (abuztuko eklipseari begira eta eklipseei buruzko informazioarekin).
  2. Otsailak 7: Eguzki Sistema.
  3. Otsailak 21: Konstelazioak.
  4. Martxoak 14: Izarren eboluzioa eta galaxiak.

Plaza kopurua mugatua da. Ez badago parte hartu nahi duten guztientzako plazarik, zozketa egingo da. Izena ematean parte hartzaileek saio guztietara etortzeko konpromisoa hartu beharko dute.

Plaza kopurua mugatua

Izen-ematea zabalik da urtarrilaren 28ra arte. Idatzi biblioteka@durango.eus helbidera helbide elektronikora.