Sare sozialen debekuaz
Otsailaren 3an irakurri genuen Berria egunkarian: 16 urtetik beherakoei sare sozialak erabiltzea debekatuko diete Hego Euskal Herrian.
Espainiako Gobernuak, Pedro Sánchez presidentearen agindupean, aurkeztu du sare sozialen erabilera 16 urtetik beherakoentzat debekatzeko proposamena, gazteen buruko osasunari lotutako arriskuak murrizteko eta harreman digital seguruagoak bermatzeko. Neurriak plataformek erabiltzaileen adina egiaztatzeko sistema eraginkorrak ezarri beharra dakar, ez soilik “check-box” sinple bat.
Albisteak erantzun ezberdinak sortu ditu, eta berriz ere aitzakia eskaini digu guraso eta hezitzaileoi sare sozialen gaiaren inguruan hitz egiteko. Etxean nerabeak ditugun gurasook ere gure seme-alabekin gai honetaz hitz egiteko aukera izan dugu.
Jakina da sare sozial toxikoen atzean dauden interesek ez dutela gure ongizatea bilatzen; gure seme-alabei dagokienez, gainera, garapen garaian daudenez, eragin kaltegarria handiagoa izan daiteke. Zer egin? Nola egin? Etxetik eragin daitekeena nahikoa al da? Estatu mailako mugak beharrezkoak dira? Nola gauzatuko dira?
Guraso.eus egitasmoko kolaboratzaile sareko kide batzuei iritzia eskatu diegu. Hona hemen Leyre Canok utzi diguna:
Espainiar Estatuan proposatutako neurriak ez dira isolatuak; beste herrialde batzuetan egiten ari diren ahaleginak islatzen dituzte. Australiako debekuaren berri izan genuen, edo Frantzian 15 urtetik beherakoentzat sare sozialak debekatzeko legea onartu dute, eta beste estatu batzuetan ere antzeko neurrien inguruko eztabaidak daude.
Mikel Azkarate-Askatsuari teknologien inguruan idazteko eskatzen diogu Guraso.eus egitasmoan, eta debeku hauen inguruko iritzia ere eskatu genion.
Espainiak oraindik ez du neurri hau lege bihurtu, baina gobernuak lege proposamena aurkeztu du, adin-egiaztapen sistemak ezartzea eta sare sozialak 16 urtetik beherakoentzat debekatzea barne. Eztabaida honetan teknologia-enpresa handien kritika publikoak eta Europako beste herrialde batzuetan hartutako neurriak ere sartu dira. Europa mailako eztabaida zabalago baten parte da.
Euskal Herrian, sare sozialen eta smartphoneen inguruko hausnarketa sustatu du Altxa Burua mugimenduak. Mugimendu honen sorreran ibili zen Miren Ros kolaboratzailea, eta hari ere iritzia eskatu diogu.
Gaiak ematen du eztabaidarako, hausnarketarako eta hitz egiteko. Esan bezala, seme-alaba smartphonedunak etxean ditugunontzat aitzakia ederra izan daiteke gaiaz hitz egiteko, bai etxean, bai guraso eta hezitzaileen artean, sare sozialen gaia berriz ere mahai gainean jartzeko. Amaitzeko, elkarrizketa gomendio batekin bukatu nahi genuke: Telmo Lazkanori Mikel Garciak Argian egindakoa — “Algoritmoak ez du zertan arriskutsua izan, baina teknologia inoiz ez da neutroa”.
Iruzkinik ez "Sare sozialen debekuaz"