Zabalik da UEUren Udako Ikastaroetan izena emateko epea

Udako Euskal Unibertsitateak (UEU) zabalik du Udako Ikastaroetan izena emateko epea. 23 jardunaldi antolatu ditu 54. aldirako hainbat eragilerekin elkarlanean eta hausnarketaren bidez gizartean eraldaketa lortzeko asmoarekin. 

Jardunaldien artean hainbat dira hezkuntzara, heziketara zein hezkidetzara bideratutakoak. GOI Ikastegiak, bestalde, ‘«’Irakasle Eskola’»’ antolatu du Eibarko Udako Ikastaroen baitan, irakasleen etengabeko eskaintza moduan.

Informazio guztia eskuragarri dago UEUren webgunean, hemen.

Aurrerapen moduan hauek dira heziketarekin lotutako jardunaldiak eta ‘Irakasle Eskola’-ren baitan eskaintzen direnak.

UDAKO IKASTAROAK

• Haur eta Nerabeen Osasun Globala: diziplinarteko begirada bila. (Eibar, ekainak 17)
• Haur gorren hizkuntza-egoera Euskadin: gaur egungo diagnostikoa eta etorkizuneko erronkak (Bilbo, uztailak 6)

IRAKASLE-ESKOLA

• Jolas Kooperatiboak eta talde kohesiorako dinamika kooperatiboak. (Eibar, ekainak 29)
• Ikas-egoerak eta Wikikasi: aurkezpena eta tailer praktikoa. (Eibar, ekainak 30)
• Pedagogia gorpuztuak: ikerketatik hezkuntzara. (Eibar, uztailak 3)
• LGTBI+ gorroto-delituak nerabezaroan: pertzepzioak, ondorioak eta neurriak. (Eibar, uztailak 2)
• Arte Hezkuntza. Baliabide berriak hezkuntza praktika aberasteko. (Donostia, uztailak 2-3)