Diana de Hornak eta Diego Gutierrez de Marañonek bi urteko alabarekin egin dute bidaia.
Hezkuntza ereduarekin arduratuta Europako eta Estatu Batuetako zenbait eskola libre ezagutzeko bidaia egin du bikote honek martxotik ekainera bitartean. Martxoaren 29an Tenerifetik irten eta zortzi herrialde bisitatu dituzte, hala nola Madril, Bartzelona, Frantzia, Holanda, Ingalaterra, Danimarka, Suedia, eta Estatu Batuetan New York, Boston, Los Angeles eta San Francisco, besteak beste.
Bizikletan eta bideo-kamera batekin egin dute bidaia eta irudiak eta elkarrizketak grabatu dituzte aukera izan duten guztietan. Ideia da abentura amaitutakoan dokumentala egitea.
Eskola bereziak
Alemanian Waldkindergartens izeneko bi eskola bisitatu dituzte. Eskolak basoan dira eta umeek zuhaitz artean eta txoriak eta animaliak ezagutzen ematen dute eguna. Holandan eskola demokratiko bat ezagutu dute non neska-mutikoek erabakitzen duten zer eta nola ikasi. Umeek antolatzen dute euren denbora, eta eskolan hartzen diren erabaki guneetan esku-hartzen dute boto eskubidearekin.
Erresuma Batuan Billings izeneko eskola nabarmentzen du de Hornak. Eskola publikoa da baina ez dago ez ikasgairik ez azterketarik. Hemen ere umeek astean behin erabakiak hartzeko egiten diren batzarretan parte hartzen dute.
Estatu Batuetan San Francisco herriko Tinkering eskola dago. Umeen sorkuntzarako gaitasunak lantzen dituzten bertan, eta askotariko erremintak erabiltzen dituzte.
Bikotearen asmoa da bidaiaren bigarren atal batean Espainiako eskola libreak bisitatzea egoera zein den bertatik bertara ikusteko. Bidaiaren emaitza hezkuntza librearen gaineko ikus-entzunezkoa izango da.
Blog batean jaso dituzte bidaiaren nondik norakoak.
Argazkiaren iturria hemen.