Marian Gartzia Gartzia farmazialariak hainbat aholku eman ditu udako oporretara begira.
Kontu handia izan behar dugu haur txikiekin: hidratazio maila eta eguzkiaren eragina neurtu behar ditugu uneoro. “Eguzkiaren eraginetik babesten gaituen eguzki-kapital jakin batekin jaiotzen gara. Kapital hori ez da amaigabea, eta ezin da berritu. Horregatik garrantzitsua da haurtzarotik zaintzea”, dio adituak.
Hondartza arratsalderako uztea gomendatzen du baita ere itzalkina zabaltzeko eta txapelak, kamisetak eta eguzkitako betaurrekoak erabiltzeko. Eguzkitako krema egokia erabili behar dugu eta bi orduko eman. Bueltan dutxatu egin behar dugu, eta azala ondo hidratatu.
Bestelakoak
Oinetako onddoak txankletak erabilita saihesten dira. Sabeleko zein beherako arazoak saihesteko elikagaien freskotasuna zaindu behar da, eta digestio-etendurak saihesteko bapateko tenperatura aldaketa handiak ekidin behar dira. Denboratxo bat eskaini behar diogu oporretako botikina prestatzeari, eta umeekin ezbeharrik gertatuz gero lasai mantentzen saiatu behar dugu. “Oporren helburua atseden hartzea dela: saiatu ohiko ordutegiak mantentzen”, dio.
Albistearen iturria hemen.
Argazkiaren iturria hemen.