Ezetz esan ostean, eskaini alternatibak

Ohikoa izaten da haurrei ez esatea: gurasoek sarritan ez esaten diete seme-alabei, eta horrek haurren haserrea edo ezinegona areagotu egiten du. Armando Bastida blogariak bere blogean gai hori izan du hizpide, bere ustetan ezetzaren ostean baietzak dauka eraginkortasun gehien. Alegia, umeei egin dezaketena esatea komeni da, eta ez ezin dutena egin.

Ezetzak umeengan eragin negatiboa dauka; izan ere, haurrak gogotsu egin nahi duen zerbait debekatzea ekartzen du askotan. Gainera, ez arrazoitzeak ez dio egoerari mesederik egiten. Bastidaren ustetan, egokia da zenbait egoeratan haurrek egoeraren gidaritza izatea, esaterako, jokoan edo garrantzia gutxiko ekintzetan. Baina arazoa sortzen da, gurasoek egoera desatseginak ekiditeko gai ez direnean.

Baietza ezetzaren ordez

Haurtzaroan gurasoen sorkuntza maila ere garrantzitsua da, ekintza bat debekatzerako orduan, beste alternatiba bat proposatzea komeni da. Horrela haurrari egin ditzakeen gauzak zeintzuk diren esaten zaizkio. Hori da gakoa, debekuen aurean alternatiba positiboak eskaintzea, esaterako, museo bateko pasilloetan ezin dela korrika egin, baina espioitzan jolastu daitekeela.

Albistearen iturria hemen.

Argazkiaren iturria hemen.