Aitona eta amonei omenaldia egin nahian, ‘Aitona-amonekin, familia + gara’ izenburuko bideoa ekoiztu du Araba, Bizkaia eta Gipuzkoako Kide Ugariko Familien Federazioa den Hirukidek. Familiako kide hauen «eskuzabaltasuna, pazientzia eta maitasuna» goratu nahi izan dute bideoarekin eta aitona amonen balioak «seme-alabentzako eredurik onena» izateaz gainera, «norbere burua begiratzeko ispilu egokiena» direla deritzo elkarteak bere web orrialdean.

Maiz nabarmendu du Hirukidek famili osoaren alde aitona amonek egiten duten ekarpena, alta sentsibilizazio bideo honek lortutako oihartzunak aurreikuspen guztiak gainditu ditu. Urriaren 30ean ikusi zuen argia bideoak, eta ordutik, Facebook sare sozialean bakarrik 20 milioi ikustaldi izan ditu.

Biloben zaintza maiz bihurtzen da aitona eta amonen eguneroko betebeharra eta langabezian diren familia askoren diru iturri bakarra izaten da euren pentsioa. Alta, esfortzu horietatik at, aiton amonen ekarpen humanoa goraipatu nahi zian du Hirukidek.

Kritikak ere jaso ditu

Kritikak ere izan ditu bideoak, izan ere, bideoan osasunez ondo dagoen gizon bat ageri da aitonaren paperean eta ez behar bereziak dituen eta bere kaxa moldatzeko gai ez den pertsona bat. «Benetako bizitza ez da bideoan ageri dena bezalakoa, adinean gora doazen aiton amona askok 24 orduko zaintza behar dute, are gehiago pixoihalak behar dituztenean, eta hortaz, lanean diren eta seme alabak dituzten pertsonek zailtasuna handiak dituzte behar horiek egoki betetzeko» dio ikusle batek Hirukideri bideo errealistagoak egiteko eskaria luzatuz.

Albistearen iturria: Hirukide