Gizarte gero eta digitalago batean haurtzaro gero eta digitalagoak ditugu eta gaiaren inguruan gogoeta egiteko guraso eta hezitzaileentzako saio bereziak antolatu dituzte Aretxabaletan.

Arizmendi ikastolak eta Huhezik elkarlanean antolatuta bi hitzaldi izango dira, eta hezkuntza eta komunikazioan doktorea den Amaia Arroyo Sagastak gidatuko ditu Nola kudeatu pantailak haurrekin izenburupean.

Pantailen erabileraren gaineko gakoak emango ditu adituak. Erabaki kontzienteak hartzeari ematen dio garrantzia eta umezurtz digitalak saihestu beharrari.

Bi hitzaldiak Streaming bidez jarraitzeko aukera egongo da. Zabalik da izen-ematea hemen. Ondorengo bideoan ematen ditu Sagastak hainbat argibide.