Amaia Hennebutte, Euskal haur literaturan idazle eta ilustratzailea, KIRIBIL arte konpainiaren zuzendari artistikoa, antzezlea, kondalaria eta Galtzagorri elkarteko lehendakaria ere bada. Berarekin hitz egin dugu Urriaren 8 eta 9an Saran antolatu duten Ikusi Mikusi azoka aitzakia moduan erabilita.

Amaiak elkarrizketan esan bezala azokaren lehenengo eguna Ikasleena izango da. Ikasleak Euskal Herri osotik iritsiko dira, eta guzti-guztiek liburu bat etxera eramateko aukera izan dezaten nahi dute antolatzaileek. Batzuentzat euskarazko lehenengo liburua izango da. Den-denek aukera hori izan dezaten crowfounding-kanpaina bat jarri dute martxan Itsulapikoa euskal plataformaren bitartez –informazio guztia ikusimikusi.eus webgunean–.

Liburu bakoitzari 15 euroko balioa ezarri diote, eta 1.000 haur eta gaztetxo joango direla aurreikusita 15.000 euro behar dituzte.

Euskal Herriko ilustratzaile, kontalari , idazle ezberdinek kanpainarekin bat egin dute:

Pantxoa ETCHEGOIN, 24 urtez E.K.E. (Euskal Kultur Erakundea)-ren zuzendaria izana.
Maite Gurrutxaga, ilustratzailea
Asun Agiriano ‘Haur bat, Liburu bat’ kanpainaren alde.
Jokin Mitxelena ‘Haur bat, liburu bat’ kanpainaren alde
Mariasun Landa ‘Haur bat, liburu bat’ kanpainaren alde