Arrasateko udaletxeak itxura oso ezberdinak hartu ditu asteburuan. Izan ere, herriko umeek, irudimenari hegan egiten utzita, askotariko kolore eta gaiekin birdiseinatu dute eraikinaren fatxada marrazki bidez, eta marrazki horiek proiektatu dituzte udaletxean.

Black friday-ari aurre egiteko Ibai Arteren Black Arrasate ekimenaren baitan egin dute bideo mapping bezala ezagutzen den ekintza.

Antolatzaileek adierazi dute horrelakoak hiriburu askotan egin izan direla, baina Arrasaten inoiz ikusi gabekoa zela eta 100 neska-mutikok hartu dute parte, euren irudimena martxan jarri eta udaletxearen fatxada birdiseinatuz.

Gaztetxo asko “artista itzelak” direla adierazi dute antolatzaileek.

Iturria: Goiena.eus.