Gaixotasunak areagotzen ditu eta elikadura ohitura txarrak harrarazi.
Sarri esan izan da barau egiteak –pisua galtzeko eta toxinak kanporatzeko– onurak dakartzala, baina ez da hala inondik inora. Alderantziz, gaixotasunak areagotzen ditu eta elikadura ohitura txarrak harrarazi; eta gaztetxoen kasuan, elikadura arazo larriak sor ditzake, tartean bulimia eta anorexia. Halakorik ez gertatzeko helduek berebiziko garrantzia dute.
Helduak eredu
Elikadura eta dietetika elkarteen Espainiako federazioak (FESNAD) dio barau egiteak ondorio larriak dakartzala: bihotzeko arazoak; diabetesa; minbizi mota ezberdinak; gibeleko eta giltzurrunetako arazoak… Eta ohitura txarrak hartzea. Ume eta gazteen kasuan, gainera, larriagoa da kontua, elikadura eta energia behar handiak dituztelako.
Nerabezaroan garapen intelektual eta emozionalarekin batera gorputzaren garapena landu behar da, elikadurarekin bat eginik. Izan ere, gazteak ez dira konturatzen kontua ez dela barau egitea, ondo elikatzea baizik. Barau egiteak eta gaizki elikatzeak ondorio larriak dakarzkie: gehiegizko nekea, ahultasuna, kontzentrazio falta, hilerokoa galtzea emakumeetan… Eta hazte prozesua eta organoen garapen egokia atzeratzen ditu.
Hori horrela, umetan jasotako elikadura ohiturek –etxean nahiz ikastetxeko jangelan– izugarrizko garrantzia dute. Eta umeendako helduak direnez eredu, ekintzen bitartez erakutsi behar diete horiek ondo elikatzen. Izan ere, heldu horiek zelan elikatzen diren ikusita umeek zein ohitura izango dituzten etorkizunean antzeman daiteke.
Albistearen iturria hemen.