12-26 urte bitarteko gazteekin lan-ildo zuzena ezartzen du, eta martxan da ikus-entzunezkoen 2014ko Beldur Barik lehiaketa. Emakundek hartu du programaren lidergoa eta Arabako, Bizkaiko eta Gipuzkoako Foru Aldundien finantzaketa du.

Captura de pantalla 2014-12-16 a las 12.25.20

Helburu nagusia da emakumezkoen kontrako edozer motatako indarkeria prebenitzea, batik bat emakumezko gazteen kontrakoa. Horretarako, hartu-eman libreak, errespetuzkoak, berdintasunekoak, anitzak eta ez-sexistak eraikitzeko konpromisoa lantzen da gazteekin.

Ikus-entzunezkoen lehiaketa

2014ko lehiaketa martxan da eta interesatuek azaroaren 12ra arteko epea dute ikus-entzunezkoak aurkezteko. Bi kategoria daude: bata, 12 urtetik 17 urtera artekoentzat, eta bestea, 18 urtetik 26 urtera bitartekoentzat. Banaka edo taldeka parte har daiteke. Ikastetxe edo ikasgela modura edo elkarte modura ere aurkez daitezke.

Bost urtez egin da lehiaketa eta aurreko edizioan 151 lan baino gehiago aurkeztu ziren lehiaketara, eta 1.066 gaztek hartu zuten parte.

Materiala baliagarria

2009an sortu zen Beldur Barik programa, eta ordutik hainbat materiala prestatu eta ekintza finkatu dira.

. Unitate didaktiko bat ikastetxeetan lantzeko. Hemen.

. Ikus-entzunezkoen Beldur Barik lehiaketa. Arauak hemen.

. Beldur Barik topaketa. Aurten Urretxu-Zumarragan egingo da azaroaren 29an.

. Gateentzako prestakuntza-tailerrak, eztabaidak eta jolas-jarduerak.

Programak webgunea du eta profil propioa gizarte-sareetan (Facebook, Twitter eta Tuentin)

Argibideak eta argazkiaren iturria hemen.