Bernedoko karobien eta txondorren ibilbidea

Familian egiteko plan proposamen honetan Arabako Bernedo herritik abiatzen den ibilbide labur bat proposatu nahi dizuegu. Karobien eta Txondorren ibilbidea.

Arabako Mendialdeko hainbat eremutan, oso zabaldua egon zen ikatza eta karea egitea. Gaur proposatzen dugun ibilbideak lan horiek bertatik bertara ezagutzeko aukera ematen du, garai bateko aztarnen artean.

Okongo Amaren baselizan hasten da hiru kilometro eta erdiko txango zirkularra. Autoa uzteko aparkaleku aproposa dago bertan, baita gaua pasatzeko ere. Ibilbidearen lehen zatia da aldapatsu xamarra den bakarra, San Tirso mendi tontorrera igotzeko bidearen hasiera da. Karobien eta txondorren ibilbidean sartzeko saihesbidea, berriz, kartel batek adierazten du, aldapan gora egiten hasi eta minutu gutxira.

Bide osoa itzalpean egiten da, eta lau karobi eta txondor bat ikus daitezke. Karobiak garai batean erabiltzen zirenen aztarnak dira. Informazio tauletan, argibide guztiak ageri dira, lan horien nondik norakoak ezagutu ahal izateko. Garai batean udalak ematen zuen baimena txondorrak egiteko, baina herritar askok isilean egiten zituzten, gauean.

“Txondor txikiak ziren, eta iluntzean piztu behar zituzten, zaindariak kea ez ikusteko”