Garaion Naturartea Elkarteko kideek askotariko erabilerak izan ditzaketen egiturak –jolaserako, adibidez– egin ziutzten larunbatean, Oñatiko Bidaurretako zelaian. Horretarako, herriko neska-mutikoen parte-hartzea izan zen gakoetako bat, eta zumea erabili zuten, ohi bezala.

Bizi Bizia ekimenarekin, jolaserako eta beste hainbat gauzatarako izan daitezkeen egitura naturalak egin zituzten, umeen parte-hartzearekin. Lan eta jolas eginez, balioak transmititzea zen helburuetako bat.

Garaioneko kideek azaldu zuten gaztetxoek haiena sentitzen dutela herrian sortutakoa, eta ardura hartzen dutela horrekiko; eta horrenbestez, zaindu egiten dutela. Gainera, sortutako egitura urtaroz urtaro aldatu egiten dela esan zuten: “Udaberrian hostoz beteko da; udazkenean inaustera etorriko dira, edo berriz ere jostera”.

Hemen ekimeneko irudiak:

Iturria: Goiena.eus

Etiketak: