Edurne Maiz nutrizionista: ”Mizkinak izanagatik ere, umeak ez dira jatera behartu behar”

Nutrizionistak izateaz gain EHUko psikologia fakultateko ikertzailea da Edurne Maiz eta neofobia aztertu du 8-16 urte bitarteko 831 gazteri galderak eginez eta gai horren inguruan egin du doktore tesia. Defendatzen du umeek ez dutenean elikagai berririk probatu nahi ez direla jatera behartu behar. Elkarrizketa egin diote Euskadi Irratiko Faktoria saioan.

“Bost urtetik aurrera denetarik jan beharko lukete umeek. Guztiari ezezkoa esaten dioten garaia ere bada 5-6-7 urte inguruan. Garapeneko prozesu bat da eta oso ohikoa da umeak ezetz esatea”, azaltzen du. “Adin horretatik aurrera umearen elikadura oso murritza denean, dieta ez orekatuaz ariko ginateke”, ohartarazten du.

Gurasoek elikagai berriak eskaintzeko ahalegina egin behar dutela dio Maizek izan ere neofobia ez bada haurtzaroan konpontzen luzatu eta helduarora hel daiteke. Dieta eskas batek antsietatea, eta autoestimu txikia eragin ditzake. Baita ere nekea eta gainpisua.

Pazientziaz jokatu

Aholkua da pazientziaz jokatzea eta haurra ez behartzea. “Arazoa, gehienetan, elikagai talde baten ingurukoa da: frutak eta barazkiak”, dio Maizek. Adituak gomendatzen du elikagaia askotan aurkezteko eta gurasoek ere kontsumitzeko umeek imitazioz ikasten dutelako. “Eskaini, ez beharko, erosketak zein sukalde lanetan parte hartzera gonbidatu, errefortzu positiboa erabili…”

Gomendio interesgarriak egiten ditu Maizek. Elkarrizketa osorik entzungai hemen.

Argazkiaren iturria hemen.