Justicia Alimentariak eta Hegoak elikadura osasungarri, jasangarri eta bidezkoari buruzko maleta pedagogikoak aurkeztu dituzte, irakasleentzat pentsatutako hezkuntza-baliabide moduan.

Irakaskuntza-, ikerketa-, gobernantza- eta dinamizazio-ekintzak proposatzen dituzte, komunitateekin eta gizarte-eragileekin lankidetzan. Egungo elikadura-ereduak inguruneari, osasunari eta pertsonen eta komunitateen bizi-baldintzei nola eragiten dien aztertzea da helburua, ipar eta hego globaletan.

“Elikadura-burujabetzaren ikuspegiarekin egindako maleta pedagogikoak hezkuntza-kit moldakorrak dira; metodologia eraldatzaileak eta askotariko materialak barne hartzen dituztenak (jolasak, irakurgaiak, fitxak, jarduerak). Maleta hauek, pedagogia kritikoetan oinarrituz, hezkuntza-komunitateari aukera ematen diote hainbat gai lantzeko, esaterako, nekazaritzako elikagaien sistemak edo elikagaien kontsumo arduratsua, modu interaktiboan eta hezkuntzako etapa guztietan”, azaldu dute.

Bestetik, martxoaren 3an aurkeztu dute online ekofeminismoei buruzko maleta.

Informazio gehiago hemen.