Hiru milioi deskarga baino gehiago dituen BLW Ideas App aplikazioak elikadura txupeteei buruzko hainbat gomendio eman ditu sare sozialetan.

Elikadura-sareak, asfixiaren aurkako sareak edota elikadura txupeteak izenez bezala dira ezagunak, baina BLW Ideak App aplikazioaren arabera, ez da gomendagarria horiek erabiltzea. Dioenez, “izen erakargarriak” ditu, baina haurtxoak elikatzen lagundu beharrean, “oztopatu” besterik ez dute egiten.

Sare horien promesa haurtxoak eztarrian trabatezko arriskurik gabe jatea da, baina horiekin familia batzuk elikagaiak lehenago ematen hasten dira, baita elikadura osagarriari ekiteko adina baino lehen ere. Nabarmendu dute ez dela egokia elikadura osagarriaren adina baino lehen hastea, haurra “ez baitago prest esnea ez den beste elikagai batzuk jateko. Jostailu honekin “probatzeko” besterik ez bada ere, benetako arrikusa izan daiteke haurraren osasunerako”.

Ez erabiltzeko arrazoiak ere eman ditu:

  1. Garbitzeko zaila da, eta horrek bakterioak ugaltzea errazten du eta elikadura-intoxikazioak eragin ditzake.
  2. Ez du elikatzen; frutaren zukua ateratzen du bakarrik. Zukuak –baita etxeko zukuak ere– ez dira gomendagarriak 12 hilabete bete baino lehen, azukre gehiegi dagoelako, eta ez dira osasungarriak.
  3. Haurtxoari ez dio uzten elikagaia ukitzen, janariarekin harreman ona izateko eta behar bezala jaten eta murtxikatzen ikasteko funtsezko testura ezagutzeko eta aztertzeko.

“Hortaz, ez eskaini haurrari. Janaria, formatu naturalean, beti izango da aukerarik onena, eta segurtasunez eskaintzeko, testura eta ebaketa egokiak izan behar ditu”.

Hortzeriarekin daudenean bakarrik gomendatu dituzte; barruan amaren esne izoztua, fruta freskoa… sartuta, arindu ahal izateko.