Nola lagundu seme-alabei haien autonomia garatzen? Eta autoestimua indartzen? Hezkuntza eleaniztunean, zein da familiaren rola? Zein eskolarena? Nola izan seme-alaben bidelagun euskararen ikas-prozesuan? Gero eta gehiago erabiltzen ari diren tresna teknologikoak, nola erabili segurtasunez, nola euskaraz?

Seme-alabak eskolatzean, ez dira haiek soilik ikasteari ekiten diotenak. Gurasoak ere bidelagun dituzte hazkuntzan.  Gurasoek ere heldulekuak behar ditugula argi dago. Sarean aurkitu ditzakegu horietako batzuk.

Era.eus egitasmoa bidelagun dugu helburu honetan, Nafarroako toki-entitateetako 28 euskara zerbitzuek elkarlanean sortutako egitasmoan martxan jarri zuten Era eskola ekimenaren berri eman genizuen pasa zen urtean.

Orain, Alfredo Dufurrekin hitz egin dugu egindakoaren berri izan eta aurrera begira era.eus eko ekimen honek dituen asmo eta erronken berri izateko.

Alfredok esan bezala era eskolako bideoak beraien youtube kanalean ikusgai daude, gainera poliki-poliki hitzaldi ezberdinetako pilulak ere argitaratzen joango dira sare sozialen bitatartez. Guraso.eus era ekarri ditugu Iñaki Eizmendik eta Nerea Mendizabal hizlariek  bi galdera hauei emandako erantzunak:

Gure familian eta herrian euskaraz aritzen gara: bukatu al da gure lana?

Etxeko lanekiko, zein jarrera edo rol komeni da gurasook hartzea?