Errezeta: hanburgesa begetalak (bost errezeta)

Kalabazinarekin, arrozarekin, ilar zuriarekin, txitxirioekin, kinoa eta espinaka nahasketarekin… egin daitezke hanburgesak. Umeei asko gustatzen zaizkie hanburgesak eta baliatu dezakegu hori umeei testura eta zapore berriak ezagutzera emateko.

Hanburgesak kalabazinarekin

Hanburgesak prestatzeko beharko ditugu: ondo txikitutako eta xurgatutako 600 gramo kalabazin, tipula txiki bat txiki-txiki eginda, artale poto bat, 250 gramo ogi birrindua, bi koilara irin, eta gatza, piperra… Busti eskuak eta ondo nahastu osagai guztiak. Hanburgesa forma eman eta labean edo zartaginean egin. Nahasketa oso likidoa gelditu bada gehitu ogi birrindua. Oso lehorra gelditu bada, berriz, gehitu ura.

Errezetaren iturria eta argazkia hemen

Hanburgesak arrozarekin

Arroza soberan gelditu bazaigu ideia ona izan daiteke hanburgesak egitea. Zortzi bat hanburgesa egiteko beharko ditugu: bi kikara arroza egosia, bi arrautza, kikara bat ogia, eta nahasketa bat azenarioa/tipula/apioa. Busti eskuak eta ondo nahastu osagai guztiak. Hanburgesa forma eman eta labean edo zartaginean egin. Nahasketa oso likidoa gelditu bada gehitu ogi birrindua. Oso lehorra gelditu bada, berriz, gehitu ura.

Errezetaren iturria hemen.

Hanburgesak ilar zuriarekin

Beharko ditugun osagaiak dira: egositako ilar zuria (400 gr.), azenarioa (60 gr.), kalabazina (60 gr.), esne pixka bat, tipula (20 gr.), arrautza 1, ogi birrindua (150 gr.), gatza, eta olioa.

Zuritu barazkiak eta ondo txikitu. Sartu osagai guztiak irabiagailuan eta ondo birrindu. Estali film paperarekin eta utzi izozkailuan ordu erdi bat. Piztu labea (200 gradu) eta bitartean eman hanburgesa forma izozkailuan dugun nahasketari. Sartu labean 5-8 minutu inguru.

Errezetaren iturria hemen.

Hanburgesak txitxirioekin (garbantzoekin)

Ilar zuriarekin moduan jokatu. Errezetaren iturria hemen.

Hanburgesak kinoarekin eta espinakarekin

Beharko ditugun osagaiak dira: kinoa egosia (3 kikara), espinaka (kikara bat), bi arrautza eta ogi birrindua (150 gr.). Nahasketa honi gehitu nahi beste barazki. Olioa eta gatza ere beharko ditugu sukaldean egiterakoan. Egin nahasketa, eman forma hanburgesei eta labean edo zartaginean prestatu.

Errezetaren iturria hemen.