Caja Navarra Fundazioko Civican liburutegiak, Galtzagorri Elkartearen lankidetzarekin, “Gainditu ezazu eskola jazarpena! / Pasa página al acoso escolar” irakurketa gida argitaratu du.

Captura de pantalla 2015-01-07 a las 14.45.40

Gidaren helburua eskola-jazarpenaren eta bullying-aren inguruko haur eta gazteen liburu interesgarrienak ezagutaraztea da. Aukeraketan 100 izenburu baino gehiago hartu dituzte aintzat, gaztelaniaz eta euskaraz, adinaren arabera sailkatuta eta bakoitza bere iruzkinarekin. Horien artean, ikasle, irakasle eta familientzako informazio baliabideak daude, baita ipuinak, eleberriak, komikiak eta filmak ere.

Gida bi atal nagusitan dago banatuta: Informazio baliabideak eta fikziozko istorioak. Lehengoan, haur eta gazteentzako liburuak, hezitzaileentzako liburuak eta web orriak bildu dituzte. Bigarrenean, berriz, haur txikientzako liburuak, haurrentzako liburuak, gazteentzako liburuak eta filmak.

Hemen duzue PDF formatuan.

Albistearen eta argazkiaren iturria hemen.