Gaurkoan tapak erabiliko ditugu eskulana sortzeko. Eskulan ezberdin ugari egiteko aukera ematen dute hauek, guk bikote jolasa egitea erabaki dugu.

Materiala:

  • Orri zuri bat
  • Artaziak
  • Tapak
  • Arkatza
  • Rotulkiak
  • Kola

Pausuak

  1. Orri zurian gure tapek duten neurria baino txikiagoa den objektu batekin marrazkiak egiteko eremuak markatuko ditugu, ondoren gure bikote jolasak izango dituen marrazkiak bertan sortuko ditugu. Gogoratu marrazki bakoitza bi aldiz egin beharko dugula. Guk koloreak eta formak sortu ditugu baina norberak gustukoen dituen marrazkiak egin ditzake.
  2. Behin marrazkiak eginda hauek moztuko ditugu.
  3. Marrazkiak tapen azpiko aldean itsatsiko ditugu.
  4. Listo, jolastera! Ea nork aurkitzen dituen bikoteak azkarren.

Oharra: marrazkiak orri zuri batean egin beharrean tapen azpiko aldean marraztu daitezke zuzenean, tenperekin edota rotulki bereziekin adibidez.