Gaur aurkeztuko dizuegun eskulana, mendian ibilalditxo bat egiten gabiltzala edota natur gune bat gertu daukagunean sortzeko aukera polita izan daiteke. Naturak eskaintzen dizkigun baliabideak erabiliko ditugu eskumuturreko bat egiteko.

Materiala:

  • Zelo
  • Artaziak
  • Natur elementuak (belarra eta loreak)
  1. Hasteko, gure eskumuturraren neurri bereko zelo zati bat moztuko dugu. Ondoren, itsaskorra den aldea kanporantz utziz, zelo zatia eskumuturra inguratuz jarriko dugu.
  2. Segidan, inguruan aurkitu daitezkeen belar edota loreak zeloan itsatsiz, gure eskumuturra apainduko dugu.
  3. Aukera ezberdin ugari eskaintzen dizkigu naturak eskumuturreko zoragarriak sortzeko.
  4. Sortu zureak!