Gaurkoan natur ukitua duen eskulan batekin gatoz. Udazkenean gaudela kontuan hartuz, zuhaitzetatik erortzen diren hostoak baliatuko ditugu apaingarri bezala erabili daitekeen zintzilikari bat sortzeko. Plan polita izan daiteke eskulan hau osatuko duen materiala basoan barrena ibilalditxo bat eginez jasotzea.

Materiala:

  • Hostoak
  • Makilak
  • Artaziak
  • Soka
  1. Lehenengo eta behin gure zintzilikaria osatuko duten hostoak eta makiltxoak jasoko ditugu.
  2. Jarraian makilari soka zatiak lotuko dizkiogu. Gogoratu, zintzilikatzeko soka zati bat ere gehitzea.
  3. Soka zatietan hostoak lotuko ditugu, utzi distantzia ezberdinak hosto batetik bestera.
  4. Jarri zure zintzilikaria nahi duzun lekuan eta animatu zintzilikari ezberdinak egitera zuhaitz ezberdinetako hostoak erabiliz.