Gaurkoan ohikoa dugun elementu bat erabiliko dugu animalia bat sortzeko; komuneko kartoizko tutua. Kartoia birziklatzeko modu sortzailea proposatzen dizuegu. Animalia ezberdinak egin ditzakegu tutuekin , guk zaldi bat egin dugu ea zuek zer egiten duzuen.

Materiala:

  • Kartulina
  • Artaziak
  • Makiltxoak
  • Arkatza
  • Kartoizko tutua
  • Silikona pistola

Hemen duzue zalditxoa egitean grabatu dugun bideo laburra:

PAUSOAK

  1. Marraztu itzazu kartulina batean zaldiaren burua, ilea eta isatsa. Ondoren moztu.
  1. Jarraian, moztutako elementuak tutuan itsatsiko ditugu. Isatsa jartzeko, egin mozketa txiki bat tutuaren goiko aldean eta sartu bertan isatsa.
  1. Bukatzeko, zaldiari hankak jarriko dizkiogu, baita alboetako eta azpiko makiltxoak ere.
  1. Listo! Prest dugu zalditxoa.