Gabonetako apaingarri bat egiteko jarraibideak dituzue jarraian, Gabonetako kanpaia, hain justu.

(Elgetako Nerea Villak egindako proposamena da).

Materiala

  • Jogurt-potoa.
  • Koloretako zerealak.
  • Makarroiak.
  • Artilea edo haria.
  • Kola zuria.
  • Purpurina.
  • Pintzela.
  • Hari-karrete bat.
  • Idunekoak egiteko bolatxo bat.
  • Kortxoak ateratzekoa edo orratz bat.
  • Azazkaletako laka

Nola egin

1- Potoa hartu eta pintzelarekin kola zuria eman.

2- Kolaren gainean zerealak pegatu.

3- Makarroiak margotu azazkaletako lakarekin.

4- Makarroiak pegatu potoari, kola zuriarekin eta haria itsatsi baita kola zuriarekin, potoaren inguruan.

5- Potoaren goiko partea margotu azazkaletako lakarekin eta gehiegizko kola eta laka aprobetxatuz, purpurina bota.

6- Orratzarekin lagunduz, zuloa egin potoaren gainaldean.

7- Hariaren karrete hutsa margotu.

8- Puntan jarri, idunekoak egiteko bolatxoa. Horretarako haria erabili, haria bera goiko zulotik pasa eta berriz barrura itzuli barrutik korapilo bat eginez.

9- Era honetan kanpaia esekitzeko euskarria egingo dugu hariarekin.

10- Kanpaia prest geldituko da, nahi dugun txokoa apaintzeko.