Artista ezberdinen lana inspiragarri da hezkuntza proiektu ezberdinetan, sortzaile ezberdinen lanak erabili izan dira ikasle eta irakasleen sormen artistikoa garatzeko, inspiratzeko…

Guraso.eus egitasmoan sortzaileak etxera ekartzeko proposamena egin nahi dizuegu. Tarte batean  artista baten lana ikusteko denbora hartu eta bere lanaz  hitz egitea,  ezagutzea eta gero… guk zer egingo dugu?.

 Asmoa ez da  artistaren lana ikastea, ez da bere lana ulertzea ere,  gure eta gure seme alaben sormenerako  pizgarri izatea baizik. Izan dadila gonbidapen bat!

Euskal Herriko eta mundu mailako artista plastikoak uztartuko ditugu  proposamenetan, eta artista eta beraien lanak ezagutzeko gonbita luzatu.

Artzain, eskultore, zurgin eta margolari nafarra da Gorriti, Jorge Oteiza eta Remigio Mendibururen dizipulua besteak beste. Zurgin bezala hasi zen lanean eta zurgintzat du bere burua. Arribeko Batzarre etxean ditu lantegia, bizilekua eta erakusketa areto txiki bat, Mallope galeria.

Gaurkoan Juan Gorritirekin gozatzea proposatzen dizuegu, haurren logikatik hurbil dagoen artista da gorriti, sortzeko askatasuna aldarrikatzen duen artista berezia.

Pirritx eta porrotx eta Marimototx pailazoekin izan duen elkarlanak haurren iruditegira gerturatu  du Gorriti, sentitu, pentsatu ekin!

 Berak marraztu zuen Panpoxa, pailazoen furgoneta ere.

Pirritx eta Porrotxekin elkarlanak haurrekin lantzeko aukera ezberdinak ere eskaintzen dizkigu, hemen Artea eta Txokolatea nahastu daitezkeela frogatzen duen bideoa.

Sustrai Colinak 2009an Argian Gorritiri egin zion elkarrizketa ere inspiragarria izna dakiguke.

Ni txoriak bezalakoa naiz. Txoriek hegan egiten dute baina ez dakite txantxangorriak, zozoak, txepetxak ala zapelatzak diren. Guk jartzen dizkiegu izenak. Art brut ala art prut, nik ez dakit zer egiten dudan!

https://www.argia.eus/argia-astekaria/2196/juan-gorriti

2016. urtean Donostiako Miramar jauregi osoa hartzen zuen erakusketan jarri zuen ikusgai Juan Gorritik, Iñigo Astizek elkarrizketa egin zion Berria egunkarirako

https://www.berria.eus/paperekoa/1924/022/001/2016-08-14/artea_zer_den_ez_dakit.htm

Nire unibertsitatea izan da Aralar. Nire unibertsitatea izan da baserria. Nire unibertsitatea izan da besteek egindakoaren jarraipena, nahiz naturak, nahiz beharrak, nahiz denborak egindakoa. Nirea ez da liburuetan ikasten. Uste dut ni ez naizela artista, eta artea zer den ere ez dakit.

Sentitu, pentsatu, ekin!