Haurtzaroaz hitz egitea etxetxoak eraikitzeaz ere hitz egitea da. Nork ez du gogoratzen bere ezkutaleku sekretua? Bere etxeko txokoa edo aitona-amonen etxeko zuhaitza, “nire etxeko errepublika independentea” bihurtzen zena? Agian etxetxoetan jolastea ez da kasualitatea eta gure herentzia biologikoaren parte izango da. Babesa eta segurtasuna bilatzeko gure biziraupen senaren isla.


Zergatik gustatzen zaie haurrei etxetxoetan jolastea?

Haurren memoria biologikoan babesa eta segurtasuna bilatzen dira oraindik. Historiaurrean ezkutalekuak bilatzen genituen. Eta denboraren poderioz, giza espezieak babesleku sofistikatuagoak eta seguruagoak sortu ditu. Ahozko memoria eta ipuinak dira lekuko. Izan ere, otsoak lastozko eta zurezko etxeak suntsitzen ditu, baina adreiluzkoak zutik dirau.

Etxetxo bat, janaria prestatu, panpinak zaintzeko… leku bat izan daiteke. Lagunekin biltzeko klub sozial bat ere izan daiteke, animalia basatien aurkako babesleku bat…Hotza edo beroa egin arren, , haurrek tarte luzeak emango dituzten lekua izango da.

Etxetxoek eraiki eta hauetan jolastearen abantailak. Zer ekarpen egiten die haurrei?

Etxetxoak edo etxolak eraikitzeak autonomia eta independentzia eskatzen ditu. Bere espazioa eraikitzea: bere arau eta kudeaketa-moduekin. Sormenaren eta irudimenaren iturri agortezina da. Haurren jolas sinbolikoaren garapen prozesuaren eskutik doa, 3 urtetik aurrera lehertzen dena. Une horretan sortzen da irudimena, hitzezko hizkuntza landuago dagoen unean.

Etxetxoak agertzeko eta desagertzeko espazioak dira, norberarekin eta bere arauekin topo egiteko tokiak. sortu eta imajinatzeko lekuak, Beldurrei aurre egiteko lekuak. Antsietateak, emozioak, babesak, segurtasun-zentzuak eta abarrek gure giza izaera gogorarazten digute.

Testua jugaryjugar blogetik ekarri dugu guraso.eus era.