GaraiOn. Ipunine eguna
Bi egunetan zehar hainbat ipuin kontalari eta artistak publiko guztientzako saioak eskainiko dituzte Garaion Sorgingunean.
Irailaren 13 eta 14an Ipuinen Egunaren 12. edizioa egingo dute Ozetako Garaion Sorgingunean. Aurreko edizioetan jorratutako helburuei eutsita, kontalaritzaren lanbidea duindu eta publiko berriak erakartzeko helburua dute Arabazan Arabako kontalarien elkarteak eta Ozetako Garaion Sorginguneak. Hala, formakuntza eta ikuskizunak uztartuko ditu jaialdiak, ipuinzaleei eskaintza zabala eginez.
Larunbatean, hilak 13, bi saio izango dira, 12:30ean eta 17:00etan. Han arituko dira Joxe Aldasoro, Marta Alzate, Imanol Arabaolaza, Eneko Haritza, Maddalen Cuñado eta Dorleta Kortazar. Igandean, berriz, Josune Garcia de Bikuñak 12:30ean ‘Txoriak Bezala’ ikuskizuna emango du, musika eta dantzaren bidez “askatasuna” eta “ahots propioa” aldarrikatzen dituen proposamen batean murgilduz.
Sarrerak 7 euro balio du goizeko edo arratsaldeko saiorako, eta 10 euro egun osorako. Parte hartzeko aurrez izena eman behar da: garaionsorgingunea@gmail.com helbidean edo 600 689 677 telefonoan, WhatsApp bidez.
Iruzkinik ez "GaraiOn. Ipunine eguna"