Galtzagorri elkarteak liburu-gomendioen mundua astintzeko asmoarekin Liburu hari boom lehiaketa antolatu du ikasturte hasiera honetan. Seme Alaba edo ikasleei proposatzeko moduko lehiaketa iruditu zaigu. Familian prestatzeko modukoa izan daiteke edo ikasgelan proposatzekoa. Zer iruditzen zaizue?
12-18 urte bitarteko gazteek 2025eko azaroaren 24ra arte denbora izango dute liburuak irakurri, bat aukeratu eta horri buruzko gomendioa Liburu hari boom lehiaketara bidaltzeko.
https://youtu.be/4BRuGKYVi8A?si=0g_EgHFEL2bG3bNd
Baina, zein da lehiaketaren berezitasuna?
Gazteek liburuak nahieran gomendatzeko aukera izango dute. Hau da, haiek hautatuko dute zein gomendio mota egin nahi duten: idatzia, ilustratua, antzeztua, audio bidezkoa, bideo bidezkoa… Zehaztapen guztiak, webguneko OINARRIAK atalean eskuragarri daude jada eta sariak ere argitaratu ditugu!
OINARRIAK
Gustuko liburu bati buruzko gomendioa egin beharko da. Gomendioa egiteko arte-adierazpidea aukeratu daiteke, hona bakoitzaren ezaugarriak:
Idatzizko iruzkina: gehienez ere 1.500 karaktereko testua.
Audio bidez egindako iruzkina: gehienez ere 2 minutuko audioa, mp3 formatuan.
Bideo bidez egindako iruzkina: gehienez ere 2 minutuko bideoa, mp4 formatuan.
Ilustrazio bidezkoa: A4 tamaina, horizontalean zein bertikalean, nahi den teknikarekin.
Dramaturgia (antzezpen bat idatziz edo eginez): testu (gehienez ere 1.500 karaktere), audio (gehienez ere 2 minutu) edo bideo formatuan (gehienez ere 2 minutu).
Literatura-lana: nahi den generoa (poesia, narratiba…), gehienez ere 3.000 karaktere.
*IA (adimen artifiziala) erabiliz egindako lanak ez dira onartuko. Norberaren sormen lana izan beharko da.
Liburuaren aukeraketa librea izango da, hau da, iruzkina euskarazko edozein libururen inguruan egin daiteke (jatorrizkoak zein itzulpenak). Gure webgunean liburu gomendagarrien zerrendak daude kontsultatzeko edo deskargatzeko.
*Hitzik gabeko albumen kasuan, edozein hizkuntzatan argitaratutakoak izan daitezke.
12-18 urte bitarteko gazteek parte hartu dezakete.
Lanak 2025eko AZAROAREN 24a baino lehen bidali beharko dira formularioa beteta.
EZ da aurrez beste lehiaketa batera aurkeztutako ezta argitaratutako iruzkinik aurkeztu.
Jasotako lanak diziplinarteko epaimahai batek ebaluatuko ditu, lanak epaimahaikide guztiek aztertu eta baloratuko dituzte.
Epaimahaiak euskararen zuzentasuna eta egokitasuna aintzat hartuko ditu (idatzizkoak edo ahozkoak diren lanetan).
Sariak (guztira 3 sari banatuko dira).
1. saria
2. saria
Sortzaile gaztea saria: epaimahaiak 12-14 urteko parte-hartzaileen lanen artean bat sarituko du.
Irabazleen izenak abenduan jakinaraziko dira.
Irabazleei haien lana Galtzagorri elkartearen hedabideetan zabaltzeko aukera eskainiko zaie (Behinola aldizkaria, Gonagorri podcasta, webgunea…).
Edozein zalantza izanez gero, honako hau d
Iruzkinik ez "Lehiaketa: Liburu hari boom"