Lizarruzti: Aralarko narrastiak eta anfibioak ezagutzeko irteera
(Ataun, 2023/06/01). Azken urteetako atsedenaldiaren ostean, Gipuzkoako Parketxe Sareak aukera ezin hobea eskaintzen ari da maiatzean eta ekainean zehar inguruotan aurki daitezken narrasti eta anfibioak ezagutzeko, Ander Izagirre adituaren eskutik. Bi saio izango dira, lehenengoa Aiako Iturraran parketxean gauzatu zen eta bigarren aukera Lizarrusti parketxean izango da.
Aralarko parketxeari dagokionez, Ataungo Lareoko urtegiaren inguruan egingo da irteera ekainaren 11n, eta hitzordua Lizarrusti parketxean izango da, goizeko 10:00etan. Jarduera goiz osokoa eta ibilaldia zailtasunik gabekoa izango da.
Lareoko urtegiaren inguruan narrasti eta anfibio espezie ugari bizi dira, lekua ezin aproposagoa da animalia hauentzat, ura baliabide dutela, inguruan dauden baso, harkaitz, zelai eta sastraka ugari dituzte eta babesleku gisa.
Irteera hau adin guztientzat dago pentsatuta, helduak zein haurrak, familiak zein norbanakoak. Aukera paregabea da Aralarren ditugun anfibio eta narrastiei buruz gehiago ikasteko, ikusiz ikasten baita eta ezagutuz maitatzen da eta.
Ander Izagirre gaian aditua den Elgoibartarra da eta urte asko daramatza Euskal Herriko anfibio zein narrastiei buruz ikerketak egiten. Inguruan dugun aberastasun herpetologikoa balioztatzen erakutsiko digu eta baita bertako espezie desberdinak bereizten ere.
Zatoz Aralarko sekretuak ezagutzera!
Izena emateko (nahitaezkoa) eta informazio gehiagorako honako telefono zenbakiak daude bisitarien eskura: 943 18 03 35 / 688 89 50 69, hala nola gure helbide elektronikoak barandiaran@gipuzkoanatura.eus / lizarrusti@gipuzkoanatura.eus
Prezioa 6€-koa izango da (12 urtetik beherakoak 4€).
Aralarko Parketxe Hedatua
(Barandiaran Museoa eta Lizarrustiko Parketxea)
Iruzkinik ez "Lizarruzti: Aralarko narrastiak eta anfibioak ezagutzeko irteera"