(Ez)amatasunak ikuspegi feministatik
Errebeldiak, bakardadeak, epaiak, armairuak, kulpak, iruditeriak, zalantzak, esperientziak… Askotarikoak. Amatasuna, izan aukera, esperientzia, erabakia, ezintasuna edota uko egiten diogun zerbait, emakume ugari zeharkatzen gaituen gaia da. Horregatik esaten dugu (ez)amatasunarena esperientzia kolektiboa dela. Are, izaera guztiz politikoa duen esperientzia kolektiboa da eta horregatik da feminismotik landu beharrekoa. Argi dago amatasunak askotariko esperientziak jasotzen dituela, baina, era berean, kontrol heteropatriarkala iraunarazteko instituzio ere badela.
Azken sasoian, bizitzak erdigunean jarriko dituen gizarte eredu justuago bat aldarrikatzen gabiltza eta horri lotuta gure zaintza sistema jarri dugu jomugan. Bada, bizitzaz eta zaintzaz ari garen honetan, ezinbestekoa iruditu zaie Emagin elkartekoei amatasunak gizarte erakunde gisa duen papera aztertzea.
Honetarako antolatu ditzute azaroaren 11 eta 12an (Ez)amatasunak ikuspegi feministatik izeneko jardunaldiak. Guk Miren Aranguren Emagineko kidearekin hitz egin dugu jardunaldien nondik norakoaz.
Jardunaldietako programa
| AZAROAK 11 OSTIRALA | |
|---|---|
| 9:30 | Ate irekiera |
| 10:00 | Ongi etorria. Egin, desegin, berregin. |
| 10:30 | Mahai ingurua: (Ez)amatasunak ikuspegi feministatik. Desioak, kontrolak eta denborak.(No)maternidades desde perspectivas feministas. Deseos, control y tiempos.Marina Sagastizabal, Anna Molas eta Diana Oliver |
| 12:30 | Atsedena |
| 13:00 | Erakusketa eta solasaldia:Exposición y conversación:D’embarassos, maternatges i masculinitats. |
| “Amor de madre” ikusentzunezko proiektuaren zine foruma.Cine forum del proyecto audiovisual “Amor de madre”.María Romero García. | |
| 14:30 | Atsedena |
| 16:30 | Anari |
| 17:00 | Amatasuna ez da irla bat. Nola (ez)egin ama?La maternidad no es una isla. ¿Cómo (no)hacernos madres?Bizipenak partekatzeko tartea. Compartiendo vivencias.Bertsolariak: Uxue Alberdi eta Ane Labaka.Estolda intimo-politikoak: (ez)amen ahotsak. Atravesando lo íntimo-pólitico: voces de (no)madres. |
| 20:30 | Hystérie performancea. La Fêlure konpainia. |
| AZAROAK 12 LARUNBATA | |
|---|---|
| 10:00 | Amatasunen arrastoak: ibilbide demografiko, historiko eta feministak.Las huellas de las maternidades: recorridos demográficos, históricos y feministas.Marta Luxan, Lore Lujanbio, Iosune Fernandez Centeno, eta Metxi Bogino.Parean Elkartea, Estitxu Fernandez, Erika Lagoma, eta June Fernandez. |
| 12:00 | Atsedena |
| 12:30 | Taldekako eztabaida: Amatasunen korapiloak askatzeko estrategia feministak.Reflexión grupal. Estrategias feministas para desenredar(nos) la maternidad. |
| 14:00 | “Nik uste dut…”. Beatriz Egizabal. |
| 14:30 | Bazkaria: guztiontzako luntxa |
| 16:00 | (Ez)amatasunen inbentario bat: Helduentzako* ahozko narrazioa. Mireia Delgado. |
| 17:00 | Amatasunaren itzal literarioak.Uxue Apaolaza, Iratxe Retolaza, Danele Sarriugarte, Arantxa Urretabizkaia. |
| 19:00 | Artefaktu feministen berrirakurketa: Mursego. |
*Helduentzako ahozko narrazioa den arren, haurrak ongietorriak izango dira.
Berrian urriaren 16an Emaginekoei egindako elkarrizketa argitaratu zuten
Burujabetza feministaren prozesua lotzen dugu, hein handi batean, gaur egun bizi ditugun askotariko krisi eta kolapsoei aurre egiteko prozesuarekin. Tartean dago azken urteetan asko landu duguna: erreprodukzio sozialaren krisia eta zaintza krisia. Horrekin lotuta dago haurren hazkuntzaren auzia. Gure inguruko ahots batzuek salatu dute mugimendu feministak ez duela izan gai hori agenda politikoaren lehen lerroan, eta guri garai egokia iruditu zaigu horretaz hausnartzeko.
Miren Aranguren
Iruzkinik ez "(Ez)amatasunak ikuspegi feministatik"