Miguel Joakin Elizegi, Altzoko handia, Handia izeneko filmean egin zen ezagun. 1818an jaio zen Altzo Azpiko Ipintza baserrian eta 43 urte zituela hil zen herri berean. Ohiko altuera zuen 18 urtera arte, baina ondoren, akromegalia izeneko gaixotasuna detektatu zioten, eta hazi eta hazi egin zen bere azken egunera arte.

Orain, bere jaioterrian, bere izena duen ibilbidea egin daiteke oinez Altzoko handia hobeto eta gertuagotik ezagutzen den bitartean. Altzo 425 biztanleko herri txiki bat da.

Ibilbidea

Herriko plazan hasten da ibilbidea eta bisita egitea errazagoa izan dadin, Altzoko Ostatuan edota udaletxean hartu daitezke bidearen xehetasunak ematen dituen eskuorria. Bi ibilbide egin daitezke horia (motza) eta gorria (luzea). Azken horrek 3,5 kilometro ditu, eta 130 metroko desnibela.

Esan bezala, herriko plazan hasten da txangoa, eta udaletxe ondoan dago kokatuta Batzarremuño kultur-etxea. Bertan daude ikusgai Altzoko handiaren objektu pertsonalen zenbait kopia; tartean, eskularruak edota abarkak –oinetako neurria 63 zen–. Objektu orijinalak Donostiako San Telmo museoan daude.

Altzoko Handiaren eskularru eta abarken kopiak.

Plazan dago lehenengo informazio panela eta bertan ongietorria emango dizu ibilbidean zehar alboan izango duzun Altzoko handiak. Bi ibilbideak markatuta daude zenbait posterekin.

Ibilbidean zehar daude informazio-panelak eta bertan Migel Joakin Elizegiren biografiarekin. Bertan kontatzen ditu Parisko edota Londresko pasarteak.

Ibilbidean zehar, Altzoko handia jaio zen Ipintza Haundi baserria bisitatzen da. Han aurreran, Handiaren eskultura bat dago Juan Lope Jimenezek egina. Gainera, norberak bere hanka Handiarenarekin alderatu dezake.

Ondoren, Elizako horman Altzoko Handiak bizitzako etapa ezberdinetan zuen altuera eta hego-zabalera erakusten dituen zenbait marka daude. Altuerakoak neurri hauek daude: 2,10m; 2,24m; 2,33m, eta 2,40m. Hego-zabalera, berriz, 2,27m eta 2,42m.

Ibilbideak Errotatxiki errotan jarraitzen du. Haren berri izan ostean, Santa Barbara ermita dago; eta honen ondoan, herriko pilotalekua dago. Bertan Tomas Ugartemendiak egindako Altzoko Handiaren eskultura dago, bere tamaina erreala dauka.

Iturria: https://www.pasaporteawonderland.com/