Naturan Hezten webgunea Haur Hezkuntzatik hasi eta Batxilergo edo Lanbide Heziketa arteko haur eta gazteei eta haien irakasleei zuzendurik dago. Hezitzaile eta Gurasoentzako oso erabilgarri eta interesgarri izan daitekeelakoan aurkeztu nahi dugu gaurkoan egitasmoa.

Gure inguruneko naturaren hezkuntzan sakontzeko helburuz sorturiko proiektua da Naturan Hezten eta guk berau sustatu duen Landarlan elkarteko kide den Ion Fontenlarekin hitz egin dugu, proiektuaren nondik norakoak ezagutzeko.

Webgune honetan, hainbat arlotako arazo egoerak aurkituko dituzu, natur zientziak, gizarte zientziak, gorputz hezkuntza, euskara, biologia, geologia eta beste hainbat.