Euskadi irratiko Mezularia saioan elkarrizketatu dute EHUko Familia Psikologiako irakasle Fernando Olabarrieta. Gogoetarako ekarpen interesgarriak eskaini ditu.

image

Garai txarra da umeak hezteko? Hezkuntzaren Hiria izeneko kongresua egin dute Bilbon eta Fernando Olabarrieta izan du zuzendari. Ko-hezkuntza edo hezkuntza bateratua du aldarri Olabarrietak. Beste modu batera esanda: “Familiak, eskolak eta komunitate osoak hazi eta hezi behar du haurra”.

Olabarrietak uste du gizarte honetan denok egin behar dugula hausnarketa ze ondorioak ikusten ari gara: gurasoen eta seme-alaben arteko biolentzia, errespetu falta, delitu-egile gero eta gazteagoak… Horren guztiaren atzean gabezia afektiboak edo familiarrak daudela diote adituek. “Familiaren ardura ahaztu gabe gaur egungo gizartean eman diren aldaketekin ikusi da familia bakarrik ez dela gauza seme-alabak hezteko”, azaltzen du Olabarrietak. “Sarritan, arazoak sortzen direnean, familiari botatzen diogu errua, gurasoei. Eta hori ez da ez egiazkoa ez justua. Zientifikoki ere ez da egia. Gaur egungo presio sozio-ekonomikoengatik familiek ez dute baliabiderik/denborarik umeak hazteko. Derrigorrez beste garai batean egiten zen moduetara itzuli behar dugu: ko-hezkuntzara edo hezkuntza bateratura (…) Galdu egin dira antzinako erreferentziak: ama, amona, auzokoa, familia zabala… eta gurasoak erdi bakarrik sentitzen dira, denborarik gabe (…) Komunitate bat behar da haurrak hezteko, eta gaur egun are gehiago”.

Gizarte osoaren hausnarketa

Olabarrietak argi dauka: “Gurasotasunaren kalitateak ematen du seme-alaben garapen osasuntsua”. Eta ko-hezkuntza edo hezkuntza bateratua da bidea. Familia, eskola eta komunitate osoa… Bakoitzak bere arduratik denon ardura da hezkuntza.

Albistearen iturria hemen.

Argazkiaren iturria hemen.