Julio Basulto nutrista- dietista  eta dibulgatzailea da, bere webgunean eta  ikastaro ezberdinetan elikadura orokorrari buruzko  iritzi eta ebidentziak zabaldu izan ditu azken urte hauetan. Gaurkoa  haurtxoentzako fruta-pureen poltsen inguruan duen iritzian jarri nahi izan dugu arreta;  modan daude azken aldien eta lotura zuzen  egiten du Bsultok  hortzetako txantxarrarekin   (epe laburrera) edo sustatzen duten obesitatearekin (epe luzera).

Izan ere, zukuen azukreak (bai, nahiz eta etxekoak izan), azukre asketzat hartu behar ditugu, baita fruta-pureenak ere. Horregatik, bereziki larria da haurtxoei sarritan fruta-pureak eskaintzea.

Lerro hauen azpian agertzen den irudian azukre askeen (horrek elikagaiei erantsitako azukreak eta zuku, pure eta fruta-pastetan modu naturalean daudenak barne hartzen ditu – Swan GE et al, 2018 –) eta berezko azukreen (fruta edo barazki freskoen egitura zelularrean aurkitzen ditugunak) arteko aldea bereizten ditu basultok.



Alde batetik, poltsetako pure horien azukreek aukera gehiago dituzte hortz-azaletan  itsasteko murtxikatutako elikagaiek baino, eta, beraz, arrisku handia dute haurrek hortzetako txantxarra izateko (Koletzko B et al, 2018).

Bestalde, produktu horien zapore oso gozoaren dastatze  errepikatuak, Koletzkoren eta kolaboratzaileen hitzetan, «programazio-efektuak eragin ditzake zaporean eta ondorengo elikagaien aukeraketan». Hau da, pure horien gozotasun handiaren eraginpean dauden haurrek etorkizunean elikagai gozoak nahiago izatea eragingo dute, eta horrek obesitatea eta beste gaixotasun kroniko asko izateko arriskua areagotuko du (Koletzko B et al, 2018).

Ez dira gomendagarriak edozein umerentzat, baina 12 hilabetetik beherakoentzat arrisku handia dutenez (Brunacci KAet al, 2023) produktu horiek kolektibo kaltebera horri saltzea debekatu beharko litzateke.